Veiðidagur Alviðru verður haldinn sunnudaginn 17. ágúst næstkomandi og þá eru allir velkomnir til þess að veiða í Soginu fyrir landi Alviðru, sem er rómað fyrir fegurð og stórfiska.
Það eru Alviðrunefnd og veiðifélagið Starir sem bjóða fólki með veiðiáhuga að fræðast og veiða í Soginu. Veitt verður á flugu.
Mæting er við Alviðrubæ kl. 14. Sagt verður frá veiðum í Soginu, skipt í hópa og vísað til veiðistaða. Leiðsögumaður frá Störum ráðleggur veiðimönnum.
Dagskránni lýkur um kl. 17:00 en í lok dags verður kakó, kaffi og kleinur í boði í Alviðru.
Áhugasamir veiðimenn eru beðnir um að tilkynna nöfn veiðimanna í tölvupósti til s@sigurdurarni.is. Þau sem fyrst skrá þátttöku ganga fyrir ef mikill fjöldi vill veiða.