Vegagerðin reiknar með að eftirfarandi vegir á Suðurlandi verði á óvissustigi og jafnvel lokaðir eftir miðnætti vegna veðurs.
Hellisheiði, Þrengslum, Mosfellsheiði og Lyngdalsheiði verður lokað klukkan 2 í nótt og staðan tekin á nýjan leik í hádeginu á þriðjudag.
Suðurstrandarvegi verður lokað klukkan 1 í nótt og staðan tekin að nýju klukkan 9 á mánudagsmorgun.
Suðurlandsvegi milli Selfoss og Hveragerði verður lokað klukkan 2 í nótt og Árborgarhringnum klukkan 3 í nótt. Suðurlandsvegi verður sömuleiðis lokað klukkan 3 í nótt á milli Selfoss og Víkur og nýjar upplýsingar um færð á þessum leiðum koma klukkan 9 eða 10 á mánudagsmorgun.
Búast má við að vegurinn um Reynisfjall verði lokaður fram eftir degi og jafnvel allan daginn.
Skeiðarársandur verður lokaður frá klukkan 4 í nótt og nýjar upplýsingar um færð komi klukkan 10 í fyrramálið.
