Fram að miðnætti verður sums staðar stormur sunnanlands. Hviður allt að 35-40 m/s undir Eyjafjöllum og í Mýrdal.
Á Hellisheiði og á Mosfellsheiði verður hríðarveður, skafrenningur og blint einkum frá klukkan sex og fram að miðnætti, með vind á bilinu 16-20 m/s.
Samkvæmt upplýsingum frá Vegagerðinni þarf hugsanlega að grípa til lokunar vega á meðan versta veðrið gengur yfir.
Einnig verður stormur í Öræfum fram á nótt.
Klukkan 15:30 var hálka eða hálkublettir á flestum leiðum á Suðurlandi en þæfingsfærð í Grafningi. Hálkublettir og hvassviðri er undir Eyjafjöllum og vestan Víkur. Óveður er á Reynisfjalli og hálka eða hálkublettir eru með suðausturströndinni.
Fréttin verður uppfærð ef kemur til lokana.