Í síðustu viku tók leikskólinn Strandheimar á Eyrarbakka á Stokkseyri á móti veglegri gjöf frá Slysavarnardeildinni Björg á Eyrarbakka
Gjöfin er fjórir sjúkrakassar sem sérstaklega eru ætlaðir börnum. Drífa Pálín Geirsdóttir kom fyrir hönd slysavarnardeildarinnar og færði nemendum og starfsfólki sjúkrakassana, sem verða staðsettir inni á hverri deild leikskólans. Drífa tilkynnti einnig að slysavarnardeildin myndi sinna því að fara reglulega yfir innihald sjúkrakassanna og fylla á þá.
Afhendingin fór fram í veðurblíðunni úti á lóðum leikskólans og voru börnin á Strandheimum spennt og kát að fá svona fallega sjúkrakassa að gjöf.