Í vikunni hófst nýr þáttur í vöktun vatnsgæða í og við Þingvallavatn. Eydís Salóme Eiríksdóttir frá Hafrannsóknarstofnun kom og tók vatnsgæðasýni í Silfru og fleiri gjám þar sem grunnvatn flæðir í Þingvallavatn. Vatnsgæðamælingin er liður í að kanna efnaferla í vatninu til að gefa betri sýn á mögulegum utanaðkomandi áhrifum.
Nú þegar eru tekin sýni af ýmsum grunnefnum í Þingvallavatni á vegum vöktunaráætlunar Umhverfisstofnunar. Einnig hefur verið í gildi undanfarin ár vöktunarsamningur sem Þjóðgarðurinn á Þingvöllum ásamt Landsvirkjun, Orkuveitu Reykjavíkur, Bláskógabyggð og Grímsnes- og Grafningshrepp eru aðilar að. Framkvæmdaaðilar vöktunarinnar hafa svo verið Hafrannsóknarstofnun og Náttúrustofa Kópavogs.
Þingvallavatn er meðal mest rannsökuðu vötnum Íslands. Reglubundnar rannsóknir hafa átt sér stað frá áttunda áratug síðustu aldar þegar dr. Pétur M. Jónasson hóf umfangsmikla könnun á vatninu í samstarfi við Kaupmannahafnarháskóla og fleiri aðila.
Frá þessu er greint á Facebooksíðu Þjóðgarðsins á Þingvöllum.