Mikið vatn flæðir yfir Suðurlandsveg nærri Lambafelli en samkvæmt upplýsingum frá lögreglunni hefur orðið mikil vatnslosun við Bolöldunámu.
Mikil rigning er á svæðinu en veður er verst á Suðurlandinu. Vatnið flæðir yfir vinnusvæði þar sem unnið er að tvöföldun vegarins.
Á Vísi kemur fram að lögreglan ásamt Vegagerðinni vinni nú að því að taka Bolölduveg í sundur til þess að beina vatninu í annan farveg. Fólk er hvatt til þess að fara varlega en Suðurlandsvegur er enn fær þrátt fyrir vatnavextina.