Vatn á flöskum undir merkjum Icelandic Glacial fékk á dögunum tvær gullstjörnur á verðlaunahátíðinni „Superior Taste Awards“. Vatninu er tappað á flöskur að Hlíðarenda í Ölfusi.
Verðlaunin veitir stofnunin „Intrenational Taste & Quality Institue“ en að baki henni standa matreiðslumenn og þjónar víðsvegar um heiminn. Fram kemur í tilkynningu að markmiðið sé að bragða og meta hágæða mat og drykki frá öllum heimshornum. Á vef „Superior Taste Awards“ er verðlaununum líkt við stjörnugjöf í Michelin-biblíu matarrýna.
Þá segir í tilkynningunni að fjórtán af heimsins fremstu sérfræðingum um mat og drykk gáfu vatninu tvær stjörnur af þremur mögulegum.
Viðskiptablaðið greindi frá þessu