Lindarvatn Icelandic Water Holdings úr Ölfusbrunni að Hlíðarenda hefur verið valið sem aðal söluvara hjá Hilton hótelkeðjunni í Bandaríkjunum.
Vatnið frá Icelandic Glacial verður fáanlegt á 750 Hilton hótelum í Bandaríkjunum. Hilton valdi íslenska vatnið eftir strangar gæðaprófanir, ekki síst vegna „grænnar“ framleiðsluaðferðar í verksmiðjunni í Ölfusi.
Samningurinn er til þriggja ára og mun Icelandic Glacial útvega vatn á flöskum í verslanir, veitingastaði, bari og herbergisþjónustu Hilton keðjunnar.