Um síðustu helgi fékk lögreglan á Suðurlandi tilkynningu um vasaþjófa sem voru á ferðinni við Seljalandsfoss.
Er lögregla mætti á vettvang voru þrír aðilar þar handteknir, grunaðir um vasaþjófnað og voru þeir færðir á lögreglustöðina á Selfossi til yfirheyrslu.
Samkvæmt upplýsingum frá lögreglunni á Suðurlandi leggur lögreglan um þessar mundir mikla áherslu á eftirlit með vasaþjófnaði í umdæminu.