Talsverður erill var hjá lögreglunni á Suðurlandi um helgina sem leið. Hátíðarhöld voru á Selfossi og í Þorlákshöfn þegar bæjarhátíðirnar Sumar á Selfossi og Hamingjan við hafið fóru fram og skemmtu flestir sér fallega.
Hestaslys varð við Kirkjubæjarklaustur á laugardag og var hinn slasaði sóttur af þyrlu Landhelgisgæslunnar og gær var þyrla aftur kölluð út vegna fótbrotins göngumanns við Háafoss í Þjórsárdal.
Þá handtók lögreglan þrjá aðila á Þingvöllum í gær, grunaða um vasaþjófnað. Þeir voru færðir til skýrslutöku og er unnið er að brottvísun þeirra úr landi.