Varnargarðar brustu

Varnargarðar brustu við Svaðbælisá undir Eyjafjöllum í nótt en lögreglan á Hvolsvelli segir ekki mikla hættu á ferðum.

Vatn hefur flætt yfir Suðurlandsveg, en unnið er að því að laga varnargarðinn.

Lögreglan á Hvolsvelli sinnti nokkrum útköllum í gærkvöldi vegna veðurs en nokkrir ökumenn lentu í vandræðum austan við Skóga. Voru sumir bílar illa búnir til vetraraksturs og þá voru sumir ökumenn óvanir að aka við íslensk skilyrði, m.a. erlendir ferðamenn sem misskildu veðurspána.

Þessi verkefni stóðu frá kl. 17 síðdegis fram að miðnætti.