Lögreglan á Suðurlandi hefur fengið upplýsingar nú í morgun um talsverða vindstrengi undir Eyjafjöllum.
„Rétt er að vara við þessum vindstrengjum fyrir ferðalanga, sem eru með ökutæki sem taka á sig mikinn vind, s.s. húsbílar, hjólhýsi og aðrir eftirvagnar,“ segir í tilkynningu frá lögreglunni.
Lögreglan beinir þeim tilmælum til vegfarenda að fylgjast með veðri og vindum á umferdin.is og vedur.is.