Björgunarfélag Árborgar birti færslu á Facebooksíðu sinni í kvöld þar sem varað er við snjóflóðahættu í Ingólfsfjalli.
Eins og sést á meðfylgjandi mynd hefur nokkuð stórt snjóflóð fallið efst í gilinu austan við Þórustaðanámu, en þar er vinsæl gönguleið í fjallinu.
„Við biðjum fólk um að sýna aðgát og forðast það að ganga undir stórar hengjur. Við teljum hættu á að annað flóð gæti fallið í grennd við hitt en okkar fólk er að kanna aðstæður á svæðinu,“ segir í færslu björgunarfélagsins.