Á morgun, 1. desember, ganga skil norðaustur yfir landið með austan stormi og hríðarbyl á öllu landinu, fyrst suðvestantil. Ekkert ferðaveður verður á morgun.
Veðurspáin gerir ráð fyrir vaxandi austanátt í nótt.
Snemma í fyrramálið má búast við slæmu skyggni vegna skafrennings víða suðvestanlands, þar með talið á höfuðborgarsvæðinu og á Reykjanesbraut.
Þegar líður á morguninn mun hvessa enn frekar auk þess sem fer að snjóa og búast má við mikilli snjókomu fram eftir degi. Síðdegis milli kl. 15 og 18 snýst vindur í hægari vestanátt með éljagangi, fyrst á Reykjanesi.
Seint á morgun mun veður versna austanlands með austan hvassviðri eða stormi og mikilli ofankomu.