Lögreglumenn sem voru á ferð undir Ingólfsfjalli í gær urðu varir við að töluvert grjóthrun hafði orðið í fjallinu á milli Tannastaða og Alviðru.
Lögreglan óskaði eftir því að Björgunarfélag Árborgar sendi hóp af stað til að ganga úr skugga um að ekki hefði orðið slys á fólki á svæðinu.
Sveitin brást skjótt við og sendi tíu manns á vettvang.
Nokkur stór grjót höfðu oltið niður hlíðar fjallsins og er rétt að benda fólki á að fara varlega við göngur í fjallinu og vera vakandi fyrir grjóthruni.