Varað við byggingu í flóðfarvegi

Landgræðslustjóri varar eindregið við því að þekkingarsetri á Kirkjubæjarklaustri verði valinn staður í farvegi Skaftár.

Skaftárhreppur á ekkert byggingarland á Kirkjubæjarklaustri en fékk lóð í nágrenni félagsheimilisins sem hreppsnefnd telur ákjósanlega.

Telur Sveinn Runólfsson, Landgræðslustjóri, að lítið þurfi að hækka í ánni til þess að hún flæmist yfir bakkavörn og yfir fyrirhugað byggingarsvæði.

Skaftárhreppur og stofnanir ríkisins standa að byggingu þekkingarseturs. Það á að hýsa gestastofu Vatnajökulsþjóðgarðs, stjórnsýslu sveitarfélagsins, Kirkjubæjarstofu, nýtt Erró-setur og ýmsar fleiri stofnanir.

Frá þessu er greint í Morgunblaðinu í dag.