Ökumaður slapp án teljandi meiðsla þegar bíll hans valt út fyrir veg efst í Kömbunum um klukkan 18 í kvöld.
Ökumaðurinn, sem var einn á ferð, var fluttur á slysadeild Heilbrigðisstofnunar Suðurlands til skoðunar.
Talsverður viðbúnaður var vegna slyssins. Lögregla, sjúkraflutningar HSU og tækjabíll frá Brunavörnum Árnessýslu fóru á vettvang og helgaðist það af því að svartaþoka var á slysstaðnum.
Samkvæmt heimildum sunnlenska.is þurftu viðbragðsaðilar að sýna mikla aðgát vegna ökumanna sem voru að flýta sér í þokunni.