Reykhúsið Útey ehf. hefur innkallað taðreyktan silung vegna bakteríunnar „Listeria monocytogenes“, sem greindist yfir viðmiðunarmörkum við lok líftíma vörunnar.
Innköllunin nær til dagsetningarinnar „Síðasti neysludagur 10.11.2011″ og á því ekki að vera á markaði lengur, segir í tilkynningu frá Heilbrigðiseftirliti Suðurlands.
Neytendur sem hafa í fórum sínum, í kæli eða frysti, pakkningar með ofangreindri dagsetningu eru beðnir að neyta ekki vörunnar. Hægt er að skila vörunni með því að hafa samband við Reykhúsið Útey í síma 896 2684. Umrædd vara hefur sem fyrr segir verið tekin af markaði.
„Listeria monocytogenes“ getur valdið matarsýkingum hjá áhættuhópum en það eru barnshafandi konur og einstaklingar með skert ónæmiskerfi.