Veðurstofan hefur uppfært veðurviðvörun morgundagsins fyrir Suðurland í appelsínugula viðvörun og gildir hún á milli klukkan 5 og 10 í fyrramálið.
Gert er ráð fyrir austan og norðaustan stormi, 18-28 m/sek og vindhviðum staðbundið yfir 40 m/sek. Hvassast verður syðst, í Vestmannaeyjum og undir Eyjafjöllum. Talsverð rigning verður á láglendi og ekkert ferðaveður. Fólk er hvatt til að huga að lausamunum.
Á Suðausturlandi er í gildi gul viðvörun vegna storms á milli klukkan 5 og 11 og vegna rigningar á milli klukkan 6 og 19.