Unnur Þöll Benediktsdóttir frá Hvolsvelli var endurkjörin formaður Sambands ungra framsóknarmanna á 47. Sambandsþingi sambandsins sem heldið var í Kópavogi um helgina.
Unnur Þöll hefur gegnt embættinu í eitt ár en hún er varaborgarfulltrúi Framsóknar og var kosningastjóri B-listans í Reykjavík í síðustu sveitastjórnakosningum þar sem þau unnu stóran sigur. Unnur Þöll er meistaranemi í öldrunarfræði og með Bs.c. gráðu í sálfræði.
Ný stjórn og varastjórn var kosin á þinginu og samanstanda þær af 24 ungum einstaklingum alls staðar að af landinu. Úr Suðurkjördæmi eru í stjórn sambandsins þau Diana Íva Gunnarsdóttir frá Vestmannaeyjum og Hrafn Splidt Þorvaldsson frá Önundarholti og í varastjórn er Kolbrá Lóa Ágústsdóttir frá Vestra-Fíflholti.
Þingið samþykkti í heildina fjórtán ályktanir. Ein af þeim fjallaði um hækkun fæðingarstyrks til námsmanna. Einnig var ályktað um aukið fjármagn til forvarna gegn sjálfsvígum, að lækka eigi fasteignaskatta og að 1. desember verið gerður að opinberum frídegi, ásamt fleirum.
