Ungmennaráð Árborgar leggur til að efla sálfræðiþjónustu í grunnskólum með því að auka viðveru sálfræðinga í grunnskólum sveitarfélagsins.
Ungmennaráðið sat fund bæjarstjórnar Árborgar í gær og fyldi
Guðmundur Bjarni Brynjólfsson, fulltrúi í ungmennaráði, tillögunni úr hlaði.
Í greinargerð með tillögunni segir að þrátt fyrir öfluga sálfræðinga hjá skólaþjónustu sveitarfélagsins þá er aðgengi hins almenna nemenda mjög lítið að fyrstu stigum sálfræðiþjónustu í grunnskólunum. Það auki traust nemenda að sálfræðingur skólans sé sýnilegur reglulega og augljóslega virkur á meðal starfsmanna skólans. Þetta auki líka líkur á því að starfsmenn skólanna leiti til sálfræðinga með málefni nemenda þeirra.
Að loknum umræðum um tillöguna samþykkti bæjarstjórn samhljóða að vísa tillögunni til fræðslunefndar Árborgar.