Árið 2017 fæddust 72 börn, 37 drengir og 35 stúlkur á fæðingardeild Heilbrigðisstofnunar Suðurlands á Selfossi.
Árið áður fæddust 58 börn á fæðingardeildinni á Selfossi þannig að aukningin á milli ára er 19,4 prósent.
Sigrún Kristjánsdóttir, yfirljósmóðir á Heilbrigðisstofnun Suðurlands segir að sveiflurnar geti verið miklar frá ári til árs.
„En þessi sveifla er afar ánægjuleg þar sem hún er upp á við,“ bætir Sigrún við.