Miðvikudaginn 17. janúar verður Vegagerðin með opið hús frá kl. 16 – 19 í Leikskálum í Vík í Mýrdal vegna umhverfismats á færslu Þjóðvegar 1 um Mýrdal.
Á staðnum verða fulltrúar frá Vegagerðinni og VSÓ Ráðgjöf sem munu veita upplýsingar um framkvæmdina, umhverfisáhrif, valkosti og svara fyrirspurnum.
Í umhverfismatsskýrslu eru sex valkostir til skoðunar, auk núllkosts, og fela þrír valkostir í sér jarðgöng og þrír fela í sér endurbætur á núverandi vegi að einhverjum hluta. Í umhverfismatsskýrslu eru valkostir bornir saman með tilliti til umhverfisáhrifa og markmiða framkvæmdar.
Skipulagsstofnun hefur auglýst umhverfismatsskýrslu um færslu hringvegarins um Mýrdal til kynningar og hafa allir rétt til að leggja fram athugasemdir við umhverfismatið. Athugasemdir skulu vera skriflegar og berast eigi síðar en 29. janúar næstkomandi inn á Skipulagsgátt þar sem jafnframt má finna umhverfismatsskýrslu framkvæmdar ásamt fylgigögnum