Umferðin á Suðurlandi hefur gengið nokkuð greiðlega í dag en mikill mannfjöldi er saman kominn víða í umdæmi lögreglunnar á Suðurlandi.
Þung umferð var í gegnum Selfoss á þriðja tímanum í dag en hún gengur nú vel fyrir sig.
Einn ökumaður var stöðvaður í nótt undir áhrifum fíkniefna en ekkert var um alvarleg slys og almennt séð fá verkefni á borði lögreglunnar á Suðurlandi. Talsvert álag var á bráðamóttöku Heilbrigðisstofnunar Suðurlands á Selfossi í gærkvöldi en lítið um alvarleg tilvik.