Í dag verða malbikunarframkvæmdir á Suðurlandsvegi frá Villingaholtsvegi að Þingborg í austurátt frá Selfossi.
Áætlað er að framkvæmdirnar standi frá klukkan 9 til 21 og verður umferðarstýring á meðan á þeim stendur. Um 1.400 m kafli verður malbikaður og vegfarendur eru beðnir um að athuga að hliðarvegir verða lokaðir á meðan verið er að malbika fram hjá þeim.
Vegfarendur eru beðnir um að virða merkingar og hraðatakmarkanir og sýna aðgát við vinnusvæðin, sem eru þröng og menn og tæki eru við vinnu mjög nálægt akstursbrautum.