Þyrlusveit Landhelgisgæslunnar hefur verið kölluð út til að leita að lítilli flugvél sem ekki hefur náðst sambandi við. Hún fór frá Reykjavíkurflugvelli á ellefta tímanum í morgun.
Þetta staðfestir Ásgeir Erlendsson, upplýsingafulltrúi Landhelgisgæslunnar, í samtali við fréttastofu RÚV. Björgunarsveitir á höfuðborgarsvæðinu, Reykjanesi og Suðurlandi hafa verið kallaðar út.
Oddur Árnason, yfirlögregluþjónn hjá lögreglunni á Suðurlandi, segir í samtali við fréttastofu RÚV að lögreglan sé að grennslast fyrir á flugvöllum og að búið sé að ræsa út björgunarsveitir í Árnessýslu.