Tvö umferðaróhöpp urðu í uppsveitum Árnessýslu eftir hádegi í dag. Allir sem hlut áttu að máli sluppu án teljandi meiðsla.
Um klukkan hálf tvö velti ökumaður bíl sínum á hliðina við Ljósafoss. Þrír voru með honum í bílnum en talið er að þeir hafi sloppið sem næst ómeiddir.
Um tvöleytið varð síðan árekstur við Miðdal á Laugarvatnsvegi. Tveir bílar rákust saman en enginn slasaðist í árekstrinum.
Mikil hálka er á fáfarnari leiðum í uppsveitum Árnessýslu en fjölfarnari vegir eru að mestu auðir.