Lögreglan á Suðurlandi fékk tvær tilkynningar um slys tengd hrossum í liðinni viku. Kona á fimmtugsaldri slasaðist þegar hún féll af hestbaki inni í reiðskemmu í Landsveit og lenti á vegg. Hún flutt til aðhlynningar á heilbrigðisstofnun.
Þá slasaðist karlmaður um áttrætt í hesthúsi í Árnessýslu síðastliðinn fimmtudag þegar hestur hljóp á manninn og felldi hann. Maðurinn fékk áverka á höfði og missti meðvitund en hann kom fljótlega til meðvitundar aftur. Hann var fluttur til aðhlynningar á sjúkrastofnun.