Kosið verður milli tveggja framboðslista í Skaftárhreppi í komandi sveitarstjórnarkosningum, D-lista Sjálfstæðismanna og óháðra og Ö-lista Öflugs samfélags.
Sveinn Hreiðar Jensson, framkvæmdastjóri og sveitarstjórnarfulltrúi, er oddviti D-listans, í 2. sæti er Sigurður Árnason, stálsmiður og 3. sætið skipar Auðbjörg B. Bjarnadóttir, hjúkrunarfræðingur. Í 4. sæti er Bergur Kr. Guðnason, húsasmíðameistari.
Jóhannes Gissurarson, oddviti Skaftárhrepps, leiðir Ö-listann, í 2. sæti er Auður Guðbjörnsdóttir, bóndi og sveitarstjórnarfulltrúi og í 3. sæti er Gunnar Pétur Sigmarsson, verkstjóri og sveitarstjórnarfulltrúi. Einar Kristján Jónsson, sveitarstjóri Skaftárhrepps, skipar 4. sætið.
Framboðin tvö buðu einnig fram í kosningunum 2022 og þá fékk Ö-listinn fjóra fulltrúa kjörna og D-listinn einn.
