Upp komst um tvö fíkniefnamál hjá lögreglunni á Selfossi í liðinni viku.
Fíkniefni fundust hjá fanga á Litla-Hrauni sem hafði stuttu áður fengið heimsókn. Gesturinn er grunaður um að hafa komið með efnið inn í fangelsið. Málið er í rannsókn.
Hitt málið kom upp um helgina þar sem ökumaður var stöðvaður á Biskupstungnabraut vegna gruns um akstur undir áhrifum fíkniefna. Farþegi sem var með honum í bifreiðinni var með í fórum sínum kannabisefni.
Í báðum tilvikum var um lítið magn efna að ræða.