Tveir eru í einangrun vegna COVID-19 á Suðurlandi í dag. Einn á Selfossi og einn í Rangárþingi ytra.
Þá eru níu manns í sóttkví víðsvegar á Suðurlandi og auk þess er 141 í skimunarsóttkví á Suðurlandi eftir að hafa farið í sýnatöku á landamærunum.
Þetta kemur fram í tölum frá Heilbrigðisstofnun Suðurlands.
Fimm manns greindust með COVID-19 innanlands í gær að því er fram kemur á covid.is. Af þeim voru tveir utan sóttkvíar.