Þyrla Landhelgisgæslunnar sótti tvo slasaða einstaklinga eftir bílveltu við Fagurhólsmýri á ellefta tímanum í morgung.
Útkallið barst uppúr klukkan tíu og fóru viðbragðsaðilar frá Kirkjubæjarklaustri og Hornafirði á vettvang ásamt bráðaviðbragðsliðum úr Öræfunum.
Þyrlan var komin á vettvang um klukkan hálf tólf og flutti fólkið til Reykjavíkur. Ekki liggur fyrir hver líðan þeirra er.
Lögreglan á Suðurlandi rannsakar tildrög slyssins.