Lögreglan á Suðurlandi stöðvaði tvo ökumenn í liðinni viku, annan í Árnesssýslu en hinn í Rangárvallasýslu, vegna gruns um að þeir væru ölvaðir við akstur bifreiða sinna.
Sá þriðji er grunaður um að hafa ekið bifreið sinni undir áhrifum fíkniefna. Hann var stöðvaður í V-Skaftafellssýslu og í fórum hans fundust kannabisefni.
Í dagbók lögreglunnar kemur fram að tveir þessara þriggja ökumanna eru erlendir ferðamenn með stutta viðkomu hér á landi.