Fasteignafélag Árborgar slf hefur samið við Tré og straum ehf að sjá um fullnaðarfrágangs nýju hreinsistöðvarinnar við Geitanes á bökkum Ölfusár.
Nú þegar hefur uppsteypa burðarvirkis átt sér stað. Verk þetta felur í sér fullnaðarfrágang hreinsistöðvarinnar, uppsetningu vélbúnaðar og lagna ásamt helstu húskerfum og gönguleiðum innandyra og allan frágang útveggja, hurða og glugga.
Efla hf verkfræðistofa er ráðgjafi og hönnuður mannvirkisins og byggingarstjórnun og framkvæmdaeftirlit er unnið af Verkfræðistofu Guðjóns Þ. Sigfússonar ehf.
Verklok eru áætluð þann 30. desember næstkomandi.