Á Búgreinaþingi deildar sauðfjárbænda Bændasamtaka Íslands í gærmorgun var Trausti Hjálmarsson í Austurhlíð í Biskupstungum kosinn nýr formaður, í stað Guðfinnu Hörpu Árnadóttur Straumi.
Trausti hlaut 45 atkvæði af 51 greiddu atkvæði, þrír seðlar voru auðir og þrjú atkvæði fóru á þrjá aðra fulltrúa á Búgreinaþingi.
Deild sauðfjárbænda er arftaki Landsamtaka sauðfjárbænda en við samruna búgreinafélaganna og Bændasamtaka Íslands urðu til búgreinadeildir innan Bændasamtakanna.