Stjórn Héraðsskjalasafns Árnesinga heiðraði í gær Tómas Jónsson á Selfossi, Tomma löggu, fyrir mikilvægt framlag við varðveislu og skráningu á menningararfi Sunnlendinga á ofanverðri 20. öld.
Í ellefu ár hefur Tómas lagt Héraðsskjalasafni Árnesinga lið, fyrst með afhendingu á ljósmyndasafni sínu, sem inniheldur um 25.000 ljósmyndir, þá með skráningu á ljómyndunum sínum á vef safnsins og skráningu á öðrum ljósmyndasöfnum í vörslu safnsins.
Á þessum tíma hefur Tómas frumskráð tæplega 20 þúsund ljósmyndir og ítarskráð á fjórða tug þúsunda ljósmynda.