Tómas Þóroddsson, veitingamaður á Selfossi, hefur keypt veitingastaðinn Messann við Lækjargötu í Reykjavík.
Viðskiptablaðið greinir frá þessu en Tómas opnaði staðinn að nýju í morgun.
„Messinn er þekktur fyrir skotheldan mat og góða þjónustu. Konseptið verður alveg eins en það bætast við nokkrir nýir réttir á seðilinn og það getur nú ekki verið annað en fagnaðarefni fyrir gestina okkar,“ segir Tómas á vef Viðskiptablaðsins.
Staðurinn, sem sérhæfir sig í fersku sjávarfangi, verður opinn frá 11:30-20:00 alla daga vikunnar.