Selfosskirkja mun bjóða upp á sjálfstyrkingarprógrammið "Tólf sporin –Andlegt ferðalag" í vetur.
Vinir í bata, munu leiða starfið af stað og hófst það þann 16. september kl. 20:00 í safnaðarheimili Selfosskirkju. Vinir í bata er hópur fólks sem hefur farið sjálft í gegnum prógrammið og tileinka sér Tólf sporin sem lífstíl og hefur það að markmiði að gefa öðrum kost á því að kynnast þessu prógrammi, vegna þess að þetta starf hefur gefið mörgum mjög mikið og orðið fólki til blessunar.
Tólf spora vinna hentar öllum þeim sem í einlægni vilja vinna með tilfinningar sínar í þeim tilgangi að öðlast betri líðan og meiri lífsfyllingu þar sem leitað er styrks í kristinni trú.
Boðið verður upp opna kynningarfundi 23. og 30. september, þar sem fólk hefur tækifæri til að sjá út á hvað prógrammið gengur. Í kjölfarið verður hópnum lokað og hefst þá hin eiginlega sporavinna sem er unnin út frá vinnubókinni Tólf sporin – Andlegt ferðalag. Unnið er í litlum lokuðum hópum og verða fundirnir vikulega út veturinn á miðvikudagskvöldum kl.20:00-22:00 í safnaðarheimili Selfosskirkju í vetur.
Kirkjan býður þátttakendum upp á þetta þeim að kostnaðarlausu, utan þess að þeir þurfa að kaupa vinnubókina Tólf sporin –Andlegt ferðalag sem er til sölu í Bókakaffinu á Selfossi.