Tindhagur ehf í Garðabæ átti lægsta tilboðið í byggingu sex nýrra deilda við leikskólann Jötunheima á Selfossi en verkið var boðið út í febrúar og jarðvinna er hafin.
Tilboð Tindhags hljóðaði upp á 902,4 milljónir króna og er 93,8% af áætluðum verktakakostnaði Sveitarfélagsins Árborgar, sem er 962,1 milljónir króna.
Níu önnur tilboð bárust í verkið. Eykt bauð 941,6 milljónir króna, K16 942,7 milljónir, Atlas verktakar 1.018,8 milljónir, Fortis 1.026,5 milljónir, Alefli 1.096,9 milljónir, Ístak 1.176,6 milljónir, Vörðufell 1.212,7 milljónir, Probygg 1.225,3 milljónir og Kaltverk 1.348,5 milljónir króna.
Verkið felur í sér byggingu um það bil 1.100 fermetra viðbyggingar við leikskólann, breytingum á eldri hluta hússins ásamt byggingu nýrrar vagnageymslu. Verkinu á að vera lokið þann 15. júlí á næsta ári.
Eigna- og veitunefnd Árborgar fól sviðsstjóra mannvirkja- og umhverfissviðs að ganga til samninga og undirrita við Tindhag ehf, svo fremi félagið uppfylli kröfur útboðsgagna.
