Lögreglan á Suðurlandi girti af svæði við Egilstorg á Selfossi í kvöld eftir að tilkynnt hafði verið um torkennilegan hlut fyrir utan fjölbýlishús við Háengi.
RÚV greinir frá því að hluturinn hafi verið á stærð við kveikjara. Hann hefur nú verið fjarlægður og er aðgerðum lögreglu lokið. Lögreglan rannsakar nú hvers eðlis hluturinn er.
Samkvæmt heimildum sunnlenska.is rannsakaði lögreglan einnig svæði við Fjölbrautaskóla Suðurlands á sama tíma.