Lögreglan á Selfossi fékk tilkynningu um „kind á hvolfi“ í mólendi skammt austan Þjórsárbrúar í liðinni viku.
Strax var haft samband við bónda í grenndinni og fór hann og rétti skepnuna við enda liggur á þegar rollur fara afvelta, að því er fram kemur í dagbók lögreglunnar.
Hætt er við að þær kafni þegar þetta gerist og ær sem legið hefur lengi afvelta tapar jafnvægisskyni sínu. Þannig getur þurft að styðja við hana lengi á eftir til að hún leggist ekki aftur í sama farið.