Þyrla Landhelgisgæslunnar sótti slasaðan mótorhjólamann sem slasaðist á Sprengisandsleið, norðan við Þórisvatn, á tíunda tímanum í morgun.
Hálendisvakt björgunarsveitanna fékk tilkynningu um slysið og óskaði eftir aðstoð Landhelgisgæslunnar. Þyrlan var þá þegar í loftinu og var komin á vettvang um 50 mínútum síðar.
Hinn slasaði var fluttur á slysadeild í Reykjavík til aðhlynningar en ekki er ljóst hversu alvarleg meiðsli hans eru.