Þyrla Landhelgisgæslunnar var kölluð út um miðjan dag í vegna hjólreiðamanns sem talinn var vera alvarlega slasaður á leiðinni inn að Kerlingarfjöllum.
Auk þyrlunnar voru Hjálparsveitin Tintron í Grímsnesi, Björgunarsveit Biskupstungna og Björgunarsveitin Ingunn á Laugarvatni kallaðar út ásamt sjúkrabíl frá Selfossi.
Þyrlan var fyrst á vettvang og flutti hún hinn slasaða á Landspítalann, þar sem hún lenti uppúr klukkan 17. Meiðsli hjólreiðamannsins reyndust ekki eins alvarleg og í upphafi var talið.