Þyrlusveit Landhelgisgæslunnar var kölluð út síðdegis í dag vegna slasaðs fjórhjólamanns við fjallið Strút á Mælifellssandi.
Þegar þyrlan kom á vettvang voru sjúkraflutningamenn og björgunarsveitarfólk á vegum Slysavarnafélagsins Landsbjargar komin á staðinn og hlúðu þar að manninum.
Hann var fluttur þaðan með þyrlu Landhelgisgæslunnar á Landspítalann í Fossvogi.