Þyrla Landhelgisgæslunnar var kölluð út í kvöld vegna einstaklings sem varð fyrir skoti í Árnessýslu.
Morgunblaðið hefur eftir Garðari Má Garðarssyni, aðalvarðstjóra lögreglunnar á Suðurlandi, að málið sé til rannsóknar og eins og staðan sé núna sé það rannsakað sem slysaskot.
Tilkynning um slysið barst kl. 18:20 en frekari upplýsingar verða ekki veittar að svo stöddu.