Björgunarsveitir í uppsveitum Árnessýslu voru kallaðar út í hádeginu í dag vegna mótorhjólaslyss á Skjaldbreiðarvegi, sunnan við Sandvatn í Biskupstungum.
Útkallið barst klukkan 12:46 og aðstoðuðu björgunarsveitirnar sjúkraflutningamenn og lögreglu á vettvang.
Tveir slösuðust í slysinu og voru þeir fluttir með þyrlu Landhelgisgæslunnar á Landspítalann í Fossvogi.