Þrír í gæsluvarðhald vegna framleiðslu fíkniefna

sunnlenska.is/Guðmundur Karl

Síðastliðinn fimmtudag handtóku lögreglumenn á Suðurlandi þrjá erlenda einstaklinga á tveimur stöðum í Árnessýslu grunaða um framleiðslu fíkniefna.

Daginn eftir úrskurðaði Héraðsdómur Suðurlands hina handteknu í gæsluvarðhald til 12. apríl næstkomandi í þágu rannsóknar málsins.

Tveir hinna handteknu kærðu úrskurð héraðsdóms til Landsréttar sem nú hefur staðfest gæsluvarðhaldsúrskurð beggja aðila.

Í tilkynningu frá lögreglunni á Suðurlandi segir að málið sé á frumstigi rannsóknar og mun lögregla ekki gefa frekari upplýsingar um gang þess að sinni.