Þrír eru í einangrun vegna COVID-19 á Suðurlandi í dag. Tveir í Árborg og einn í Rangárþingi ytra.
Þá eru níu manns í sóttkví, fjórir í Árborg, tveir í Grímsnesi, einn í Ölfusi og tveir í Vestmannaeyjum. Auk þess eru 174 í skimunarsóttkví á Suðurlandi eftir að hafa farið í sýnatöku á landamærunum.
Þetta kemur fram í tölum frá Heilbrigðisstofnun Suðurlands.
Fjórir greindust með COVID-19 innanlands í gær og voru allir í sóttkví, að því er fram kemur á covid.is.