Sveitarstjórn Flóahrepps samþykkti samhljóða á fundi sínum í gær að ráða Þórunni Jónasdóttur skólastjóra í Flóaskóla.
Þórunn, sem í dag er skólastjóri Hörðuvallskóla í Kópavogi, var ein af níu umsækjendum um starfið, hluti þeirra var boðaður í viðtal og tveimur þeirra var boðið framhaldsviðtal í kjölfarið.
Eftir ítarlega yfirferð yfir umsóknirnar samþykkti sveitarstjórn samhljóða að bjóða Þórunni starfið. Hún tekur við starfinu af Gunnlaugu Hartmannsdóttur, sem síðla veturs var ráðin deildarstjóri skólaþjónustu hjá Skóla- og velferðarþjónustu Árnesþings bs.
Áður en Þórunn varð skólastjóri Hörðuvallaskóla var hún áður aðstoðarskólastjóri þar og þar áður deildarstjóri og staðgengill skólastjóra frá stofnun Hörðuvallaskóla árið 2006. Hún lauk meistaranámi í stjórnunarfræðum menntastofnana árið 2014 og B.Ed viðbótarnámi í stærðfræðikennslu árið 2007. Hún öðlaðist leyfisbréf til að starfa sem grunnskólakennari árið 1989 að afloknu B.Ed námi til kennararéttinda.