Þjótandi á Hellu átti eina boðið í endurbyggingu hringvegarins um Hvolsvöll og var það nánast á kostnaðaráætlun.
Tilboð Þjótanda hljóðaði upp rúmar á 428,5 milljónir króna og er 0,4 prósentum yfir kostnaðaráætlun en áætlaður verktakakostnaður Vegagerðarinnar er 427 milljónir króna.
Verkið felst í endurbyggingu Þjóðvegar 1 á um 800 m löngum kafla frá afleggjaranum að tengivirki Landsnets og austur fyrir Dufþaksbraut, gatnamótum við Hvolsveg og Hlíðarveg ásamt göngu- og hjólastíg.
Verkinu á að vera lokið þann 1. september 2027.